Taita Diosca ñucanchita ayudajpash, shinllichijpashmi

Salmo 46

Taita Diosmi ñucanchita ayudaj, ñucanchipaj shinlli torreshna.

Ñucanchita llaquicuna japijpipash, ñapash ayudajmi.

2 Chaimandami alpa mama cuyupipash, na manllashun.

Urcucuna mama cucha chaupiman yalijpipash, na manllashunllu.

3 Mama cucha yacucuna manllanayaita huacashpa cuyurinajujpi, urcucuna chujchujpipash, na manllashunllu.

4 Jatun yacumanda ninanda rijuj yacucunami, Taita Diospaj pueblotaca cushichijun.

Chai puebloca, jahua pachapi causajuj Diospajlla huasimi.

5 Taita Diosmi, chai pueblo chaupipica tiajun.

Chai pueblotaca, na cuyuchi ushanallachu canga.

Taita Diosmi, tutamanda punllayajujpica ayudanga.

6 Shuj llactacunapi causajcuna caparinajujpimi, mandajcunaca chujchunajurca.

Dios caparijpimi, alpaca yacuyarca.

7 Tucuita Mandaj Diosmi ñucanchihuan.

Jacobopaj Taita Diosca, ñucanchita pacajmi.

8 Mandaj Dios imatalla rurashcata ricuj shamuichi.

Paica cai pachataca, llaquinayaitami tucuchishca.

9 Paica, cai pacha tucui manñacunacaman jatun macanajuicuna tiajtapash saquichinllami.

Arcota, lanzataca faquishpa fitishpami, carretacunatapash ninapi rupachin.

10 “Casilla caichi, ñucataca Taita Dios cajta rijsihuaichiyari.

Shuj llactacunapi causajcunapaj chaupipica, jatumbimi churai tucusha.

Cai pachapica, jatunyachi tucushami”.

11 Tucuita Mandaj Diosmi ñucanchihuan.

Jacobopaj Taita Diosca, ñucanchita pacajmi.

 

 

Comentarios
Por | 2016-04-18T09:15:12+00:00 18 abril, 2016|Uncategorized|

About the autor: