“Chayanatapacha yashpami catijuni”: Pablo

“Imapash alimi canga yashpa catijushcataca, Cristota juyai callarishpami, tucuillata jichurcani. 8 Ñucata Mandaj Cristo Jesusmanda yachajunaca, juyaillagupacha cajpimi, punda imatapash alimi canga yajushcataca, tucuillatapacha cungarcani. Cristota juyashpa tucuita saquishpami, paihuan causangapaca jupa ismushcatashna, tucuilla jichurcani. 9 Cristohuan causangapaj yariajlla cashpami, mandashca shimita pactachishpa ñucapajlla ali cachunga, na munani. Ashtahuangarin Cristota crijpimi Taita Diosca, imatapash cashcatapacha rurashcatashna chasquihuarca. Diosca, Cristota crijpillami chasquijun. 10 Cunanga, Cristota rijsingapaj munashpami, pai causarishpa, imatalla rurashcatapash ashtahuan yachangapaj munani. Llaquita apashpa pai huañushcashnami, ñucapash llaquita apashpa huañungapaj munani. 11 Huañushcacunapaj chaupimandaca, imashnamambash causarishapachami yajunimi.

12 Ñucaca, ñami cai tucuita rurarcani, ñucaca ima pandatapash na ruranichu nitaca na ushanichu. Ashtahuangarin Cristo Jesús ñucata imapaj agllashcataca pactachishapacha yashpami, calpanshna rijunilla. 13 Huauquicuna, panicuna, ñami chayagrircani nitaca na ushanichu. Ashtahuangarin caitallami rurashpa causajuni: Punda causashcataca, cungaita cungashpami, japigrishapacha yashpa, ninanda ñaupajman rijuni. 14 Cristo Jesushuan shujlla tucushcamandami, jahua pachapica aliguta carajpi japigrichun, Taita Diosca ñucata cayahuashca. Chaimambacha chayangapajmi, calpashpa rijunilla”.(Filipenses 3:7-14).

APOSTOL PABLO SHINA KATIPASHUNCHIK KAY WATAPI

 

 

Comentarios
Por | 2017-02-03T09:54:02+00:00 1 enero, 2016|Uncategorized|

About the autor: